1.          Missié bizin mette vêtements ki pou banne missié même et madame banne vêtements ki pou banne madame même. Respecter sa pou banne tipti z'enfants garçons et filles aussi.

2.          Ena lors page 481 du livre ‘Bahaar-e-Sharia’t’ volume 1 ki finne publier par Dawat-e-Islami so département de publication Makataba-tul-Madinah: ‘Depuis en-bàs nombril juska en-bàs genoux c’est ène missié so «a’wrat», c’est-à-dire li Farz pou cachiette li. Nombril pas inclut là-dans alors ki genoux li inclut là-dans.’ (Durr-e-Mukhtaar, Radd-ul-Muhtaar, vol. 2, pg. 93) De nos jours, beaucoup dimounes mette zot chouse ou lungi dans sa façon là ki ène parti depuis en-bàs zot nombril reste découvert, si li couvert avec kurta etc. dans sa façon là ki couleur la peau pas visible, alors c’est bien, sinon, li haraam. Et si ¼ espace reste découvert pendant Namaaz, alors Namaaz pas pou être accomplit. (Bahaar-e-Sharia’t)

3.          De nos jours, éna banne dimounes ki promener avec short en publique et à cause de sa, zot genoux et la jambe reste visible, sa li haraam. Guette sa banne dimounes là zot genoux et la jambe ki découvert, li aussi haraam. Particulièrement, éna sa banne vues là pli beaucoup lors banne la piste de jeux, banne places cot faire l’exercice et lors la plage. Donc, li important pou prend beaucoup précautions quand ou pé alle dans sa banne places là.