conseils évident ki: ‘Oh banne dimounes négligents! Rappelle! Hier nous aussi nous ti là-bas (c’est-a-dire lors la terre) cot zot été azordi. Et demain zot aussi zot pou vinne ici (c’est-a-dire dans qabr) cot nous été azordi.’ Certainement, celui ki finne prend naissance dans sa le monde là, li pou bizin mort, celui ki finne choisir la vie so fleur, la mort so piquant finne certainement blesse li, celui ki finne gagne trésor de banne contentement, li finne certainement gagne la mort so tristesse.
Chers Frères en Islaam! Sans doute nous finne vinne dans sa le monde là dans ène l’ordre spécifique, c’est-à-dire comme suit, en premier dada, après papa, après z’enfant et après petit z’enfant, mais li pas nécessaire éna ène l’ordre pou la mort. Ene vieux dada encore vivant mais so tipti-z’enfant, ène bébé ki encore pé boire du lait pé fini tombe dans piège de la mort. Quelqu’un so nana encore vivant mais so mama pé annonce li le choc de so séparation. Parmi nous, éna dimounes ki so frère so janaaza finne sorti depuis dans so lacaze, quelqu’un so mama finne décéder devant so lizié, quelqu’un so papa finne embrasse la mort, quelqu’un so jeune garçon finne être victime de ène accident et finne embrasse la mort, quelqu’un so dadi finne fini accomplir so départ pou alle vers qabarastan, alors ki quelqu’un so nani finne décéder. Pareil couma nous banne proches et