صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
’’کرَم‘‘ کے تین حُرُوف کی نسبت سے
ایصالِ ثواب کے3 ایمان افروز فضائل
(1) دعاؤں کی برکت
مدینے کے سلطان صَلَّی اللہُ تَعَالٰی عَلَیْہِ وَاٰلہٖ وسلَّمکا فرمانِ مغفِرت نشان ہے : میری اُمّت گناہ سَمیت قَبْر میں داخِل ہوگی اور جب نکلے گی تو بے گناہ ہوگی کیونکہ وہ مؤمِنین کی دعائوں سے بَخش دی جاتی ہے ۔ (اَلْمُعْجَمُ الْاَ وْسَط ج۱ص۵۰۹حدیث۱۸۷۹)
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
(2) ایصالِ ثواب کا انتِظار !
سرکارِ نامدارصَلَّی اللہُ تَعَالٰی عَلَیْہِ وَاٰلہٖ وسلَّمکا ارشادِ مشکبار ہے :
مُردے کا حال قبر میں ڈوبتے ہوئے انسان کی مانِند ہے کہ وہ شدّت سے انتِظار کرتا ہے کہ باپ یا ماں یا بھائی یاکسی دوست کی دعا اس کو پہنچے اور جب کسی کی دعا اسے پہنچتی ہے تو اس کے نزدیک وہدنیا ومَافِیْھا (یعنی دنیا اور اس میں جو کچھ ہے) سے بہتر ہوتی ہے۔ اَللہ عَزَّوَجَلَّقبر والوں کو ان کے زندہ مُتَعَلِّقینکی طرف سے ہَدِیَّہ (ہَ۔ دِی۔ یَہ ) کیا ہوا ثواب پہاڑوں کی مانند عطا فرماتا ہے، زندوں کا ہَدِیَّہ (یعنی تحفہ) مُردوں کیلئے دعائے مغفرت کرنا ہے۔ ( شُعَبُ الاِْیْمَان ج۶ص۲۰۳حدیث۷۹۰۵)
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
رُوحیں گھروں پر آکرایصالِ ثواب کامُطالَبہ کرتی ہیں
میٹھے میٹھے اسلامی بھائیو! مَعلوم ہوامرنے والے اپنی قبروں پرآنے جانے والوں کوپہچانتے ہیں اور انہیں زِندوں کی دعاؤں سے فائِدہ پہنچتا ہے، جب زِندہ لوگوں کی طرف سے ایصالِ ثواب کے تحفے آنا بند ہوتے ہیں ، تو ان کو آگاہی حاصل ہو جاتی ہے اوراللہ عَزَّوَجَلَّانہیں اجازت دیتا ہے تو گھروں پر جا کر اِیصالِ ثواب کا مُطالَبہ بھی کرتے ہیں ۔ میرے آقااعلیٰ حضرت امامِ اہلِسنّت مُجَدِّدِ دین وملّت مولانا شاہ امام احمد رضاخان عَلَیْہِ رَحْمَۃُ الرَّحْمٰنفتاوٰی رضویہ ( مُخَرَّجہ ) جلد9صَفْحَہ650 پر نَقْل کرتے ہیں : ’’غَرائب‘‘ اور ’’خَزانہ‘‘ میں منقول ہے کہ مومِنین کی رُوحیں ہر شبِ جُمُعہ (یعنی جُمَعرات اور جمعہ کی درمِیانی رات) ، روزِ عید ، روزِ عاشورا ء اور شبِ بَرأ ت کو اپنے گھر آ کر باہَر کھڑی رہتی ہیں اور ہر رُوح غمناک بُلند آواز سے نِداکرتی (یعنی پکار کر کہتی) ہے کہ اے میرے گھر والو! اے میری اولاد! اے میرے قَرابت دارو! (ہمارے ایصالِ ثواب کی نیَّت سے) صَدَقہ (خیرات) کر کے ہم پر مِہربانی کرو۔
ہے کون کہ گِریہ کرے یا فاتِحہ کو آئے
بے کس کے اُٹھائے تِری رَحمت کے بَھرَن پھول (حدائقِ بخشش شریف)
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
(3) دوسروں کیلئے دعائے مغفِرت کرنے کی فضیلت
فرمانِ مصطَفٰےصَلَّی اللہُ تَعَالٰی عَلَیْہِ وَاٰلہٖ وسلَّم : جو کوئی تمام مومن مَردوں اور عورَتوں کیلئے دعائے مغفرت کرتا ہے، اللہ عَزَّوَجَلَّ اُس کیلئے ہر مومن مرد و عورت کے عِوَض ایک نیکی لکھ دیتا ہے۔ (مسندُ الشّامیین لِلطَّبَرانی ج۳ص۲۳۴حدیث ۲۱۵۵)
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
اَربوں نیکیاں کمانے کا آسان نُسخہ مل گیا!