رب عَزَّوَجَلَّ!اس سے راضی ہو جا۔‘‘ واللہ  عَزَّوَجَلَّ اس سے راضی ہوجائے گا ۔ پھر اس قراٰن پڑھنے والے سے کہاجائے گا: قراٰن پڑھتا جا اور جنّت کے دَرَجات طے کرتا جا اور ہر آیت پر اسے ایک نعمت عطا کی جائے گی۔ (تِرمِذی ج۴ص۴۱۹ حدیث ۲۹۲۴)) 2( پرہیزگاروں   کو آخرت میں   کامیابی کی نوید (یعنی خوشخبری) سنائی گئی ہے چُنانچِہ پارہ 25سُوْرَۃُ الزُّخْرُفآیت نمبر 35 میں   ارشاد  ہوتا ہے: وَ الْاٰخِرَةُ عِنْدَ رَبِّكَ لِلْمُتَّقِیْنَ۠(۳۵)^[1]  ترجَمۂ کنز الایمان: اور آخِرت تمہارے رب کے پاس پرہیزگاروں   کے لیے ہے۔ )3(حضرتِ سیِّدُنا کعب الْاَحباررَضِیَ اللہ  تَعَالٰی عَنْہُکا ارشادہے :’’ جنت الفردوس خاص اُس شخص کے لیے ہے جو اَمْرٌ بِالْمَعْرُوْف وَنَہْیٌ عَنِ الْمُنْکَر کرے۔‘‘(یعنی نیکی کا حکم دے اور بُرائی سے منع کرے) ^[2] ؎)4(فرمانِ مصطَفٰےصَلَّی اللہ  تَعَالٰی عَلَیْہِ وَاٰلِہٖ وَسَلَّمَہے : جسے یہ پسند ہو کہ اُس کی عمر اور رِزق میں   اِضا فہ کردیاجائے تواُسے چاہئے کہ اپنے والدین کے ساتھ اچھا برتاؤ کرے اور اپنے رشتے داروں   کے ساتھ صِلَۂ رِحمی کیا کرے ۔ ^[3] ؎

عُمر و رِزق میں   زیادَتی کے معنٰی

        دعوتِ اسلامی کے اِشاعتی ادارے مکتبۃُ المدینہ کی مطبوعہ 1197 صفحات پر مشتمل کتاب ، ’’بہارِ شریعت‘‘جلد3 صَفْحَہ 560پر صدرُ الشَّریعہ،بدرُالطَّریقہ حضرتِ علّامہ مولانا مفتی محمد امجد علی اعظمی عَلَیْہِ رَحمَۃُ اللہ  ِالْقَوِی فرماتے ہیں  :حدیث میں   آیا ہے کہ’’صِلَۂ رِحم سے عمر زیادہ ہوتی ہے اور رِزق میں   وسعت(یعنی زیادَتی) ہوتی ہے۔‘‘ بعض علمانے اِس حدیث کو ظا ہرپر حمل کیا ہے(یعنی حدیث کے ظاہری معنی ہی مراد ہیں   ) یعنی یہاں   قضا مُعَلَّق مراد ہے کیونکہ قضا مبرم ٹل نہیں   سکتی^[4] ؎۔

    اِذَا جَآءَ اَجَلُهُمْ فَلَا یَسْتَاْخِرُوْنَ سَاعَةً وَّ لَا یَسْتَقْدِمُوْنَ(۴۹) (پ۱۱، یونس:۴۹)

ترجَمۂ کنزالایمان:جب ان کا وعدہ آئے گا تو ایک گھڑی نہ پیچھے ہٹیں   نہ آگے بڑھیں  ۔

          اور بعض (علمائے کرامرَحِمَہُمُ اللہ  السَّلَام)نے فرمایا کہ زیادَتی ٔعمر کا یہ مطلب ہے کہ مرنے کے بعد بھی اِس کا ثواب لکھا جاتا ہے گویا وہ اب بھی زندہ ہے یا یہ مراد ہے کہ مرنے کے بعد بھی اس کا ذکر خیر لوگوں   میں   باقی رہتا ہے۔ (رَدُّالْمُحتار ج۹ ص۶۷۸)

دو فرامِینِ مصطَفٰے صَلَّی اللہ  تَعَالٰی عَلَیْہِ وَاٰلِہٖ وَسَلَّمَ

)۱(جواللہ  اور قیامت پر ایمان رکھتا ہے اُسے چاہئے کہ صِلَہ ٔرِحمی کرے (بخاری ج۴ص۱۳۶ حدیث ۶۱۳۸) )۲( قیامت کے دن اللہ  عَزَّوَجَلَّکے عَرش کے سائے میں   تین قسم کے لوگ ہوں   گے ، (ان میں   سے ایک ہے) صِلَۂ رحمی کرنے والا۔                                                                                                                                                                                                                                                           (اَلْفِردَوس بمأثور الْخِطاب ج۲ص۹۹حدیث۲۵۲۶)

  اُمُّ الْمؤمِنین حضرتِِ زینب اور  صِلۂ رِحمی

         اُمُّ الْمؤمِنین حضرتِ سیِّدتنا عائشہ صدّیقہ رَضِیَ اللہ  تَعَالٰی عَنْہَافرماتی ہیں  :میں   نے حضرتِ زینبرَضِیَ اللہ  تَعَالٰی عَنْہَاسے زیادہ د ین دار، زیادہ پرہیزگار، زیادہ سچی ، زیادہ صِلۂ رِحمی اور زیادہ صدقہ کرنے والی کوئی عورَت نہیں   دیکھی ۔                                           (مسلم ص۱۳۲۵حدیث۲۴۴۲)

 10ہزار درہم رشتے داروں   کو بانٹ دیئے

          امیرُالْمُؤمِنِین حضرت سیِّدنا عمر فاروقِ اعظم رَضِیَ اللہ  تَعَالٰی عَنْہُنے اُمُّ الْمؤمِنین حضرتِ زینب رَضِیَ اللہ  تَعَالٰی عَنْہَاکی خدمت میں   10ہزار دِرہم بھیجے تو انہوں   نے یہ رقم اپنے  رشتے داروں   کو تقسیم کر دی۔                                                                                                                                                                                                                                                                                                                                               (اسد الغابۃ