کا)ٹِھکا نا دیکھ لیں اور اسکا کلام سُن لیں تو مُردے کو بھول جائیں اور اپنی جانوں پر روئیں ۔جب مُردے کو تَخت پررکھ کر اُٹھایا جاتا ہے اُسکی رُوح پھڑپھڑا کر تخت پر بیٹھ کر نِدا کرتی ہے:اے میرے اَہل وعِیال! دنیا تمہارے ساتھ ِاس طرح نہ کھیلے جیسا کہ اِس نے میرے ساتھ کَھیلا،میں نے حلال اور غیرِ حلال مال جَمع کیا اور پھروہ مال دوسروں کے لئے چھوڑ آیا۔اسکا نَفْع اُن کیلئے ہے اور اس کا نقصان میرے لئے،پس جو کچھ مجھ پر گُزری ہے اس سے ڈرو(یعنی عبرت حاصِل کرو) ۔ (التَّذکِرۃللقرطبی ص۷۶ دارالکتب العلمیۃ بیروت)
صَلُّو ا عَلَی الْحَبِیب ! صلَّی اللّٰہُ تعالٰی علٰی محمَّد
حضرتِ سیِّدُنا ابو سعید خُدری رَضِیَ اللّٰہُ تَعَالٰی عَنْہُ سے روایت ہے کہخاتَمُ الْمُرْسَلین، رَحمَۃٌ لّلْعٰلمینصلَّی اللّٰہ تعالٰیعلیہ واٰلہٖ وسلَّمکا فرمانِ عبرت نشان ہے:جب جنازہ تیار ہو جاتا ہے اور لوگ اسے اپنے کندھوں پر اٹھا تے ہیں ،اگر وہ اچّھا ہے تو کہتا ہے مجھے جلدی لے چلو ، اگروہ بُرا ہوتا ہے تو اپنے رشتے داروں سے کہتا ہے: ہائے ! مجھے تم کہاں لئے جا رہے ہو! انسان کے علاوہ ہر ایک چیز اُس کی آواز سنتی ہے ، اگر انسان اسے سن لے توبے ہوش ہو جائے۔ (صَحیح بُخاری ج۱ص۴۶۵حدیث۱۳۸۰)
حضرت سیِّدُنا ابُوالْحَجّاج ثُمالِی رَضِیَ اللّٰہُ تَعَالٰی عَنْہُ سے روایت ہے ، سرکارِ مدینہ، سلطانِ باقرینہ ، قرارِ قلب وسینہ ، فیض گنجینہصلَّی اللّٰہ تعالٰی علیہ واٰلہٖ وسلَّم نے ارشاد فرمایا :جب میِّت کو قَبْر میں اُتاردیا جاتاہے تو قَبْراُس سے خطاب کرتی ہے: اے آدَمی تیرا ناس ہو!تونے کس لئے مجھے فراموش (یعنی بُھلا ) کررکھاتھا؟کیا تجھے اِتنا بھی پتا نہ تھا کہ میں فتنوں کا گھر ہوں ،تاریکی کا گھر ہوں ، پھرتُوکس بات پرمجھ پر اَکڑا اَکڑا پھرتاتھا؟اگر وہ مُردہ نیک بندے کا ہو تو ایک غیبی آوازقَبْرسے کہتی ہے:اے قَبْر !اگر یہ اُن میں سے ہو جو نیکی کا حُکْم کرتے رہے اور برائی سے منْع کرتے رہے تو پھر!(تیرا سُلوک کیا ہوگا؟) قَبْر کہتی ہے : اگر یہ بات ہوتو میں اس کے لئے گلزار بن جاتی ہوں ۔چُنانچِہ پھر اُس شخص کا بدن نور میں تبدیل ہوجاتا ہے اور اس کی روح ربُّ العٰلمین عَزَّوجَلَّ کی بارگاہ کی طرف پرواز کرجاتی ہے۔(مُسْنَدُ اَبِیْ یَعْلٰی ج۶ص۶۷ حدیث ۶۸۳۵دارالکتب العلمیۃ بیروت)
اے عاشقانِ رسول اورمیٹھے میٹھے اسلامی بھائیو! سوچئے تو سہی اُس وقت جبکہ قَبْر میں تنہا رہ گئے ہوں گے، گھبراہٹ طاری ہو گی، نہ کہیں جا سکتے ہوں گے نہ کسی کو بُلا سکتے ہوں گے اوربھاگ نکلنے کی بھی کوئی صورت نہ ہوگی۔ اُس وقت قَبْر کی کلیجہ پھاڑ پکار سُن کر کیا گزرے گی!
قَبْر روزانہ یہ کرتی ہے پکار مجھ میں ہیں کیڑے مکوڑے بے شمار
یاد رکھ! میں ہوں اندھیری کوٹھڑی مجھ میں سُن وَحشت تجھے ہوگی بڑی
میرے اندر تُو اکیلا آئیگا ہاں مگر اعمال لیتا آئیگا
تیر ا فن تیرا ہُنَر عُہدہ ترا کام آئے گا نہ سرمایہ تِرا
دولتِ دنیا کے پیچھے تُو نہ جا آخِرت میں مال کا ہے کا م کیا
دل سے دنیا کی مَحَبَّت دُور کر دل نبی کے عِشْق سے معمور کر
لندن و پیرِس کے سپنے چھوڑ دے
بس مدینے ہی سے رِشتہ جوڑ لے
جنّت کا باغ یا جہنَّم کا گڑھا!
اللہ عزَّوَجَلَّ کے محبوب،دانائے غُیُوب،مُنَزَّہٌ عَنِ الْعُیُوبصلی اللّٰہ تعالٰی علیہ واٰلہٖ وسلَّم کا فرمانِ عبرت نشان ہے:’’ قَبْر یا تو جنّت کے باغوں میں سے ایک باغ ہے یا جہنَّم کے گڑھوں میں سے ایک گڑھا ۔ (سُنَنِ تِرمِذی ج۴ ص۲۰۸ حدیث۲۴۶۸ دارالفکربیروت)
گورِ نَیکاں باغ ہوگی خُلد کا
مجرِموں کی قَبْر دوزخ کا گڑھا
میٹھے میٹھے اسلامی بھائیو!نَمازوں اور سنّتوں پر عمل کرنے والوں کیلئے قَبْرمیں راحتیں اور بے نَمازیوں ، اور گناہوں بھرے غیرشَرعی فیشن کرنے والوں کیلئے آفتیں ہی آفتیں ہوں گی، چُنانچِہ حضرتِ علّامہ جلالُ الدّین سُیُوطِی شافِعی عَلَیْہِ رَحمَۃُ الْقَوِی فرماتے ہیں :حضرتِ سیِّدُنا عُبید بن عُمیررَضِیَ اللّٰہُ تَعَالٰی عَنْہُ سے روایت ہے، قَبْر مُردے سے کہتی ہے کہ اگرتُو اپنی زندگی میں اللہ عَزَّوَجَلَّ کافرمانبردار تھا تو آج میں تجھ پر رَحمت کروں گی اور اگر تُو اپنی زندگی میں اللہ تعالیٰکانافرمان تھا تو میں تیرے لئے عذاب ہوں ، میں وہ گھر ہوں کہ جو مجھ میں نیک اور اطاعت گزار ہو کر داخِل ہوا وہ مجھ سے خوش