پردے کے بارے میں سوال جواب
شیطان لاکھ سستی دلائے یہ کتاب( 409صفحات)مکمّل پڑھ لیجئے
اِنْ شَآءَاللہ عَزَّ وَجَلَّ معلومات کا خزانۂ لاجواب ہاتھ آئے گا ۔
حضرتِ اُبَی بن کَعب رَضِیَ اللہُ تَعَالٰی عَنْہُ نے عرض کی کہ میں (سارے وِرد، وظیفے ، دُعائیں چھوڑ دوں گااور) اپنا سارا وقت دُرُود خوانی میں صَرف کرونگا ۔ تو سرکارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا : ’’یہ تمہاری فِکروں کودُور کرنے کے لئے کافی ہوگا اور تمہارے گناہ مُعاف کر دئیے جائیں گے ۔ ‘‘ (سُنَنُ التِّرْمِذِیّ ج۴ص۲۰۷حدیث۲۴۶۵)
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
ہر درد کی دوا ہے صلِّ علٰی محمد تعویذِ ہر بلا ہے صلِّ علٰی محمد
سُوال : عورت کے لفظی معنٰی کیا ہیں ؟
جواب : عورت کے لُغْوی معنٰی ہیں ’’چُھپانے کی چیز ۔ ‘‘ اللہ کے مَحبوب ، دانائے غُیُوب، مُنَزَّہٌ عَنِ الْعُیُوب عَزَّ وَجَلَّ وَ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کافرمانِ عالیشان ہے کہ : عورت، ’’ عورت‘‘( یعنی چُھپانے کی چیز ) ہے جب وہ نکلتی ہے تو اُسے شیطان جھانک کر دیکھتا ہے ۔ (یعنی اُسے دیکھناشیطانی کام ہے ) (سُنَنُ التِّرْمِذِیّج۲ ص ۳۹۲ حدیث۱۱۷۶)
کیا آج کل بھی پردہ ضَروری ہے ؟
سُوال : کیا پردہ اِس دَور میں بھی ضَروری ہے ؟
جواب : جی ہاں ۔ چند باتیں اگر پیشِ نظر رہیں تواِ نْ شَا ءَ اللّٰہعَزَّوَجَلَّ پردے کے مسائل سمجھنے میں آسانی رہے گی ۔ پارہ 22 سورۃُ الْاحزابکی آیت نمبر33 میں پردے کا حکم دیتے ہو ئے پروردگا ر عَزَّ وَجَلَّ کا ارشادِ نور بار ہے :
وَ قَرْنَ فِیْ بُیُوْتِكُنَّ وَ لَا تَبَرَّجْنَ تَبَرُّجَ الْجَاهِلِیَّةِ الْاُوْلٰى ( پ ۲۲ اَلْاَحْزاب ۳۳)
تَرجَمۂ کنزالایمان : اور اپنے گھروں میں ٹھہری رہو اور بے پردہ نہ رہو جیسے اگلی جاہلیَّت کی بے پردَگی ۔
خَلیفۂ اعلیٰ حضرت صَدرُالْاَفاضِلحضرتِ علّامہ مولانا سَیِّد محمد نعیم الدّین مُراد آبادی عَلَیْہِ رَحْمَۃُ اللہِ الْھَادِی اسکے تَحت فرماتے ہیں : ’’اگلی جاہِلیَّت سے مُراد قبلِ اسلام کا زَمانہ ہے ، اُس زَمانہ میں عورَتیں اِتراتی نکلتی تھیں ، اپنی زینت ومَحَاسِن (یعنی بناؤ سنگھار اور جسم کی خوبیاں مَثَلاً سینے کے اُبھار وغیرہ) کا اظِہار کرتی تھیں کہ غیرمَرد دیکھیں ۔ لباس ایسے پہنتی تھیں ، جن سے جسم کے اَعضاء اچھّی طرح نہ ڈھکیں ۔ ‘‘(خزائنُ العرفان ص ۶۷۳ ) افسوس! موجودہ دَور میں بھی زمانۂ جاہِلیَّت والی بے پردَگی پائی جارہی ہے ۔ یقینا جیسے اُس زمانہ میں پردہ ضَروری تھا وَیسا ہی اب بھی ہے ۔
زَمانۂ جا ہِلیَّت کی مُدّت کتنی؟
مُفَسّرِشہیر حکیمُ الْاُمَّت حضر ت ِ مفتی احمد یار خان عَلَیْہِ رَحْمَۃُ الحَنّانفرماتے ہیں : کاش اِس آیت سے موجودہ مسلِم عورَتیں عبرت پکڑیں ۔ یہ عورَتیں اُن اُمَّہاتُ الْمؤمِنین رَضِیَ اللہُ تَعَالٰی عَنْہُنَّ سے بڑھ کر نہیں ۔ صاحِبِ رُوحُ البیان عَلَیْہِ رَحْمَۃُ الحَنّان نے فرمایا کہ حضرتِ سیِّدُنا آدمعَلٰی نَبِیِّناوَعَلَیْہِ الصَّلٰوۃُ وَالسَّلام و طوفانِ سیِّدُنا نوحعَلٰی نَبِیِّناوَعَلَیْہِ الصَّلٰوۃُ وَالسَّلامکے درمیان کا زمانہ جاہِلیَّتِ اُولیٰ کہلاتا ہے جو بارہ سو بہتر (1272)سال ہے اور عیسیٰ عَلَیْہِ السَّلَام اور حضور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے درمِیان کا زمانہ جاہِلیَّتِ اُخریٰ ہے جو تقریباًچھ سو (600) برس ہے ۔ واللّٰہُ وَ رسولُہٗ اَعلَم عَزَّ وَجَلَّ و صَلَّی اللہُ تَعَالٰی عَلَیْہِ وَاٰلِہٖ وَسَلَّمَ ( نورُالعرفان ص ۶۷۳، روحُ البیان ج۷ص۱۷۰)
سُوال : بے پردَگی کا کیا وبال ہے ؟
جواب : عورت کی بے پردَگی مُوجبِ غَضَبِ الہٰی اور سبب ِ تباہی ہے ۔ اس سُوال کا جواب پارہ18 سورۂ نُورکی آیت نمبر31کے اِس حصّے کی تفسیر میں مُلا حَظہ ہو چُنانچِہ اِرشادِ الٰہی ہوتا ہے :
وَ لَا یَضْرِبْنَ بِاَرْجُلِهِنَّ لِیُعْلَمَ مَا یُخْفِیْنَ (پ۱۸النور ۳۱)
ترجَمۂ کنزالایمان : اور زمین پر پاؤں زور سے نہ رکھیں کہ جانا جائے ان کا چُھپا ہوا سِنگار ۔
بیان کردہ آیتِ مبارَکہ کے تَحت مفسرِ قراٰن، خلیفۂ اعلیٰ حضرت ، صَدرُالْاَفاضِل حضرت ِعلّامہ مولانا سَیِّد محمد نعیم الدِّین مُراد آبادی عَلَیْہِ رَحْمَۃُ اللہِ الْھَادِی فرماتے ہیں : یعنی عورَتیں گھر کے اندر چلنے پھرنے میں بھی پاؤں اِس قَدَر آہِستہ رکھیں کہ ان کے زَیور کی جَھنکار نہ سُنی جائے ، مسئلہ : اِسی لئے چاہئے کہ عورَتیں باجے دار جھانجھن نہ پہنیں ۔ حدیث شریف میں ہے : ’’ اللہ عَزَّ وَجَلَّ اُس قوم کی دُعا نہیں قَبول فرماتا جن کی عورَتیں جھانجھن پہنتی ہوں ۔ ‘‘ (تَفسیرات اَحمدِیہ ص۵۶۵)اس سے سمجھناچاہئے کہ جب زیور کی آوازعَدَمِ