تجھ کو ہو شادی مبارک ہورہی ہے رُخصتی       رخصتی میں   تیری پنہاں^([1]) قبر کی ہے رخصتی

گھر ترا ہو مُشکبار اور زندگی بھی پُر بہار                 رب ہوراضی خوش ہوں  تجھ سے دوجہاں  کے تاجدار

مَدنی بیٹی کا خدایا گھر سدا آباد رکھ                       فاطِمہ زَہرا کا صدقہ دوجہاں   میں   شاد^([2])  رکھ

یہ مِیاں   بیوی الٰہی مَکرِ شیطاں   سے بچیں     یہ نمازیں   بھی پڑھیں   اور سنتوں   پر بھی چلیں

یہ میاں   بیوی چلیں   حج کو الٰہی! باربار        بار بار ان کو مدینہ بھی دکھا پروردگار

تیرا سُسرال اپنے رب کے فضل سے خوش حال ہو                     تیرا میکا بھی کرم سے رب کے مالا مال ہو

تُو نہ غفلت کرنا  شوہر کی اطاعت سے کبھی             ورنہ تُو اے پیاری بیٹی حشر میں   پچھتائے گی

مَدنی بیٹی یاخدا غُصّے کی ہو ہرگز نہ تیز                           یہ کرے سُسرال میں   ہر دم لڑائی سے گُریز

یاد رکھ ! تُو آج سے بس تیرا گھر سُسرال ہے                       ساس نندوں   پر بگڑنا آفتوں   کاجال ہے

ماں   سمجھ کرجو بہوکرتی ہے خدمت ساس کی                      راج کرتی ہے سدا سارے گھرانے پر وہی

ساس نندوں   کی تُو خدمت کر کے ہوجا کامیاب             ان کی غیبت کرکے مت کر بیٹھنا خانہ خراب

ساس اور نندیں   اگر سختی کریں   تو صَبْر کر               صَبْر کر بس صَبْر کر چلتا رہے گا تیرا گھر

ساس اور نندوں   کا شِکوہ اپنے مَیکے میں   نہ کر                       اِس طرح برباد ہوسکتا ہے بیٹی تیرا گھر

میکے کے مت کر فضائل تُو بیاں   سسرال میں                       اب سمجھ سسرال ہی کو اپنا گھر ہر حال میں

یاد رکھ تُو نے زباں   کھولی اگر سسرال میں                          پھنس کے تُو قضیوں   کے سُن رہ جائے گی جنجال میں

ساس چیخی تُو بھی بِپھری اور لڑائی ٹھن گئی             ہے کہاں   بھول ایک کی دو ہا تھ سے تالی بجی

درس دے ’’فَیضانِ سنّت‘‘ سے سدا سسرال میں                       مَدنی ماحول اس طرح بن جائے گا سسرال میں

گر نصیحت پر عمل عطار  کی ہوگا تِرا

اِنْ شاءَ اللّٰہ اپنے گھر میں   تُو سکھی ہوگی سدا

سچّی نیَّت کی بَرَکت سے گمشدہ ہار مل گیا

         اسلامی بہنو! اَلْحَمْدُللّٰہ  عَزَّوَجَلَّتبلیغِ قراٰن و سنّت کی عالمگیر غیر سیاسی تحریک ، دعوتِ اسلامی سے وابَستہ اسلامی بھائیوں   اور اسلامی بہنوں   کومیٹھے میٹھے مصطَفٰے  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کی غلامی پر ناز ہے  ۔  َدعوتِ اسلامی کے سنّتوں  بھرے اجتماعات میں  دعائیں   مانگنے سے بے شمار اسلامی بہنوں   کی مُشکلات حل ہونے کے واقعِات ہیں  ، ایسی ہی ایک مَدَنی بہار ملاحظہ کیجئے ، چنانچہ  بابُ المدینہ (کراچی )کی ایک اسلامی بہن کے بیان کا لُبِّ لباب ہے کہ ایک دن اچانک میرا قیمتی ہار گم ہو گیا جوکہ تلاشِ بِسیار کے باوُجُود نہ مل سکا ۔ جن دنوں  میں   بہت پریشان تھی انہیں  دنوں  مجھے تبلیغِ قراٰن و سنّت کی عالمگیر غیر سیاسی تحریک دعوتِ اسلامی کے سُنّتوں   بھرے اجتماع میں  شرکت کی سعادت نصیب ہوئی ۔  اجتماع میں  تلاوت ونعت کے بعد ایک مبلِّغۂ دعوتِ اسلامی نے مکتبۃ المدینہ کے ایک مطبوعہ رسالے سے دیکھ کربیان فرمایا  ۔ بیان کے اختِتام پر اُنہوں   نے موجود اسلامی بہنوں   کو ہفتہ وار سنّتوں  بھرے اجتماع میں   پابندی کے ساتھ شرکت کرنے کی نیّت کروائی، اَلْحَمْدُ لِلّٰہعَزَّوَجَلَّمیں  نے بھی سچے دل سے نیت کر لی  ۔ میرا حسنِ ظن ہے کہ یہ اُس نیت ہی کی بَرَکت تھی کہ جب میں   اجتماع سے واپس گھر پہنچی اوربستر دُرست کرنے کے لئے اپنے تکئے کو اٹھایا تو مارے خوشی کے اچھل پڑی کیوں   کہ میرا گمشدہ ہار تکئے کے نیچے موجود تھا  ۔ اَلْحَمْدُ لِلّٰہ عَزَّوَجَلَّاب میں  دعوتِ اسلامی کے اسلامی بہنوں   کے سنّتوں   بھرے اجتماع میں   شریک ہوتی ہوں  اور نیک بننے کی کوششوں   میں   مصروف ہوں    ۔

بلندی پہ اپنا نصیب آ گیا ہے                 کرم یا حبیبی کرم یا حبیبی

دیارِ مدینہ قریب آ گیا ہے                   کہ در پر تمہارے غریب آ گیاہے

صَلُّوا عَلَی الْحَبِیْب!                                        صَلَّی اللہُ تَعَالٰی عَلٰی مُحَمَّد

اچّھی نیّت کے فضائل

        اسلامی بہنو!اَلْحَمْدُ لِلّٰہعَزَّوَجَلَّدعوتِ اسلامی کے اسلامی بہنوں   کے سنّتوں   بھرے اجتماعات میں   رحمتوں   کی خوب برسات ہوتی اور برکات کا نُزُول ہوتا ہے  ۔  اچھی نیّت کی عظمت کے بھی کیاکہنے ! اُس اسلامی بہن کا حسنِ ظن ہے کہ انہیں   اجتماع میں   پابندی سے شرکت کی نیَّت کی بَرَکت سے گمشدہ ہار مل گیا ! دنیا کا ہار کیا