عَنْہُ بھی سانپ کے زَہر کے اثر سے جامِ شہادت نوش کر گئے ۔ (صَحِیح مُسلِم ص۲۲۸ حدیث۲۳۶) اللہ عَزَّ وَجَلَّ کی اُن پر رَحمت ہو اور ان کے صَدقے ہماری مغفِرت ہو ۔ اٰمین بِجاہِ النَّبِیِّ الْاَمین صَلَّی اللہُ تَعَالٰی عَلَیْہِ وَاٰلِہٖ وَسَلَّمَ
کیا پردہ ترقّی میں رُکاوٹ ہے ؟
سُوال : بعض لوگ کہتے ہیں ، کُفّاربَہُت آگے نکل چکے ہیں ، پردے پر سختی مسلمانوں کی ترقّی میں رُکاوٹ ہے !
جواب : مسلمانوں کی ترقّی میں پردہ نہیں درحقیقتبے پردَگی رُکاوٹ بنی ہوئی ہے ! جی ہاں ، جب تک مسلمانوں میں شرم و حیا اور پردے کا دَور دَورہ رہا تب تک وہ فُتوحات پر فُتوحات کرتے چلے گئے یہاں تک کہ دنیا کے بے شُمار ممالِک پر پرچمِ اسلام لہرانے لگا ۔ پردہ نشین ماؤں نے بڑے بڑے بہادُرجَرنَیل وَسِپہ سالار، عظیم حکمران، عُلَمائے رَباّنِیِّین (رَبّانی ۔ یِیْن) اور اَولیائے کامِلین کوجَنَم دیا ، تمام اُمَہَّاتُ الْمُؤمنین وجملہ صَحابِیّاتِ سیِّدُ المرسلینصَلَّی اللہُ تَعَالٰی عَلَیْہِ وَاٰلِہٖ وَسَلَّمَ و رَضِیَ اللہُ تَعَالٰی عَنْہُنَّ باپردہ تھیں ، حسَنَینِ کریمَینرَضِیَ اللہُ تَعَالٰی عَنْہُمَا کی والِدۂ ماجِدہ خاتونِ جنّت سیِّدہ فاطِمہ زَہرا رَضِیَ اللہُ تَعَالٰی عَنْہَابا پردہ تھیں ، سرکار ِبغدادحُضُور ِ غوثِ اعظم علیہ رَحمَۃُ اللّٰہِ الاکرم کی والِدئہ محترمہ سیِّدَتُنا اُمُّ الخیر فاطِمہ رِحْمَۃ اﷲِ تَعَالٰی عَلَیْہَا با پردہ تھیں ۔ اَلغَرَض جب تک پردہ قائم تھا اورعِفّت مَآب خواتین چادر اور چار دیواری کے اندر تھیں ، مسلمان خوب ترقّی کی مَنازِل طے کرتا رہااور کافِروں پر غالِب رہا ۔ جب سے کُفار ِ مکّار کے زیر اثر آکر مسلمانوں نے بے پردَگی کا سلسلہ شروع کیا ہے ، مُسلسلتَنَزُّل کے گہرے گڑھے میں گرتے چلے جا رہے ہیں ، کل تک جو کُفّا رِ بدانجام مسلمان کے نام سے لرزہ بَراَ ندام تھے آج وہ مسلمانوں کی بے پردَگیوں اور بد عَمَلیوں کے باعِث غالِب آ چکے ہیں ، اسلامی ممالِک پر باقاعِدہ جارِحانہ حملے ہو رہے ہیں اور ظالمانہ قبضے کئے جارہے ہیں مگر مسلمان ہے کہ ہوش کے ناخُن نہیں لیتا ۔ آہ! آج کا نادان مسلمان T.V.، V.C.R. اورINTER NET پر فلمیں ڈِرامے چلا کر، بے ہُودہ فلمی گیت گُنگنا کر، شادیوں میں ناچ رنگ کی محفلیں جما کر ، کافروں کی نَقّالی میں داڑھی مُنڈا کر ، کفّار جیسا بے شرمانہ لباس بدن پر چڑھا کر، اسکوٹر کے پیچھے بے پردہ بیگم کو بٹھا کر، بے حیا بیوی کو میک اپ کروا کر مَخلوط تفریح گاہ میں لے جا کر ، اپنی اولاد کو دُنیوی تعلیم کی خاطِر کفّار کے ممالک میں کافروں کے سِپرد کروا کر نہ جانے کس قسم کی ترقّی کامُتَلاشی ہے !
وہ قوم جو کل تک کھیلتی تھی شمشیروں کے ساتھ
سینما دیکھتی ہے آج وہ ہَمشیروں کے ساتھ
افسوس صد ر کڑور افسوس! آج کثیر مسلمان جھوٹ، غیبت ، تُہمت، خِیانت ، زِنا ، شراب، جُوا، فلمیں ڈِرامے دیکھنے اورگانے باجے وغیرہ سننے کے گناہ بے با کانہ کئے جا رہے ہیں ، اکثر مسلمان عورَتوں نے مَردوں کے شانہ بہ شانہ چلنے کی ناپاک دُھن میں حیا کی چادر اُتار پھینکی ہے اور اب دیدہ زیب ساڑھیوں ، نیم عُریا ں غَراروں ، مردانہ وَضْع کے لباسوں ، مرد جیسے بالوں کے سا تھ شادی ہالوں ، ہوٹلوں ، تفریح گاہوں اور سینما گھروں میں اپنی آخِرت برباد کرنے میں مشغول ہیں ۔ خدا کی قسم! موجودہ رَوِش میں نہ ترقّی ہے نہ کامیابی ۔ ترقّی اور کامیابی صِرف وصِرف اﷲ و رسول عَزَّ وَجَلَّ و صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی فرماں برداری کرتے ہوئے اِس مختصر ترین زندَگی کو سنّتوں کے مطابِق گزار کر ایمان سلامت لئے قَبْر میں جانے اور جہنَّم کے ہو لناک عذاب سے بچ کر جنّتُ الْفِردوس پانے میں ہے ۔ چنانچِہ پارہ 4 سورۂ اٰلِ عمران کی آیت نمبر 185میں ارشادِ خدائے رحمٰن عَزَّ وَجَلَّ ہے :
فَمَنْ زُحْزِحَ عَنِ النَّارِ وَ اُدْخِلَ الْجَنَّةَ فَقَدْ فَازَؕ- (پ۴اٰل عمران۱۸۵)
ترجَمۂ کنزُ الْایمان : جو آگ سے بچاکر جنّت میں داخِل کیا گیا وہ مُراد کو پہنچا ۔
آہ!آہ!آہ! عورَتوں میں بے پردَگی اور گناہوں کی کثرت ہونا انتِہائی تشویشناک ہے ، خدا کی قسم ! جہنَّم کا عذاب برداشت نہیں ہو سکے گا ۔ صحیح مسلم میں ہے : حُضُورنبیِّ کریمصلَّی اللہ ُتَعَالٰی عَلَیْہِ وآلہٖ وسلَّمکا ارشادِ عبرت بُنیادہے : میں نے جہنّم میں ملاحظہ فرمایا کہعورَتیں جہنَّم میں زِیادہ ہیں ۔ (صَحِیح مُسلِم ص۲۲۸ حدیث۲۷۳۷)
یہ شَرحِ آیۂ عِصمت ہے جو ہے بَیش نہ کم دل و نظر کی تباہی ہے قُربِ نا مَحْرَم
حیا ہے آنکھ میں باقی نہ دل میں خوفِ خدا بہت دنوں سے نظامِ حیات ہے بَرھَم
یہ سَیر گاہیں کہ مَقْتَل ہیں شرم و غیرت کے یہ مَعصِیَت کے مَناظِرہیں زینتِ عالَم
یہ نِیم باز سا بُرقع یہ دِیدَہ زَیب نِقاب جَھلک رہا ہے جَھلا جَھل قمیص کاریشم