گھوٹکی(باب الاسلام سندھ)کی اسلامی بہن کا بیان ہے کہ مجھے ڈیڑھ ماہ سے گردن میں   شدید در د تھا، بَہُت علاج کروایا مگر مستقل آرام نہ آیا  ۔  جب میں   نے  تبلیغِ قراٰن وسنّت کی عالمگیر غیر سیاسی تحریک ، دعوتِ اسلامی کے مَدَنی ماحول سے وابَستہ مَدَنی آقا  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کی عاشقاؤں  اور مدینے کی دیوانیوں   کے مَدَنی قافلے میں   سفر کیا تو دیگر بَرَکتیں   ملنے کے ساتھ ساتھ میری گردن کا درد بھی کافُور(یعنی غائب) ہوگیا  ۔

درد گردن میں   ہو یا کہیں   تَن میں   ہو                                درد سارے مٹیں   قافلے میں   چلو

کر سفر آئینگی تو سُدھر جائیں   گی                     اب نہ سُستی کریں   قافلے میں   چلو

صَلُّوا عَلَی الْحَبِیْب!                                                                    صَلَّی اللہُ تَعَالٰی عَلٰی مُحَمَّد

نابینا بچّے کی حیرت انگیز حکایت

        اسلامی بہنو!  مَدَنی قافِلے کی بَرَکات مرحبا!اَلْحَمْدُ لِلّٰہ عَزَّ وَجَلَّ جہاں   مَدَنی قافِلے کی مسافِرہ کی گردن کا درد کافور( یعنی غائب) ہو گیا! وہاں   یہ’’ مَدَنی پھول‘‘ بھی سنبھال کر رکھنے والا ہے اور وہ یہ کہ عین ممکن ہے کہ مَدَنی قافلے میں   کسی کا درددُور ہونے کے بجائے مزید بڑھ جائے بِالفرض کسی کے ساتھ ایسا ہو بھی جائے تو وہ شیطان کے وسوسوں   میں   آکر ہرگز مَدَنی قافِلے ‘‘ سے ناراض نہ ہو! مومِن کو ہر حال میں   اللہ   ربِّ ذُوالجلال عَزَّ وَجَلَّ  کا شکر ہی ادا کرنا چاہئے  ۔ یقینا اُس کی مَشِیَّت و حکمت کو ہم میں   سے کوئی بھی نہیں   سمجھ سکتا ۔  صحّت دینے میں  بھی اُس کی حکمت ، مرض کی زِیادت میں   بھی اُس کی مصلحت ۔  کسی کو آنکھوں   کانور عنایت کرنے میں   حکمت تو کسی کو اندھا رکھنے ہی میں   مصلحت! اِس ضمن میں   ایک نابینا بچے کی حیرت انگیز حکایت پیشِ خدمت ہے ، چُنانچِہ دعوتِ اسلامی کے اِشاعتی ادارے        مکتبۃُ المدینہکی مطبوعہ 300 صَفحات پر مشتمل کتاب ،  ’’آنسوؤں   کادریا‘‘ صَفْحَہ 252پر منقول ہے :  حضرت ِ سَیِّدُنا عیسیٰ روحُ اللہعَلٰی نَبِیِّناوَعَلَیْہِ الصَّلٰوۃُ وَالسَّلام کسی نَہَر کے قریب سے گزرے تو کچھ بچو ں   کو اس میں   کھیلتے دیکھا ، ان کے ساتھ ایک نابینا بچّہ بھی تھا جسے وہ پانی میں  غوطہ دے کر دائیں   بائیں   بھاگ جاتے اور وہ انہیں   تلاش کرتا رہتا مگر کامیاب نہ ہوتا ۔  حضرت ِ سَیِّدُنا عیسیٰ روحُ اللہ    عَلٰی نَبِیِّناوَعَلَیْہِ الصَّلٰوۃُ وَالسَّلام  اس کے بارے میں   غور وفکر کرنے لگے پھراللہ عَزَّ وَجَلَّ کی بارگاہ میں   اس بچے کی بصارت(یعنی نظر) لوٹ آنے کی دُعا کی ، اللہ عَزَّ وَجَلَّ نے اس بچے کی بینائی لوٹادی  ۔  جب اُس نے آنکھیں   کھولیں   اور بچو ں   کو دیکھا تو ایک بچے کو پکڑا اور اس سے ایک دم  چمٹ گیاپھر اُسے پانی میں   ا س قدر غوطے دیئے کہ وہ مرگیا پھرجھپٹ کر دوسرے کو پکڑا اور اسے بھی غوطے پرغوطے کھلا کر موت کے گھاٹ اُتار دیا!یہ صورتِ حال دیکھ کر باقی بچے خوفزدہ ہو کر بھاگ کھڑے ہوئے  ۔  حضرت ِ سَیِّدُنا عیسیٰ روحُ اللہعَلٰی نَبِیِّناوَعَلَیْہِ الصَّلٰوۃُ وَالسَّلام نے یہ مُعامَلہ دیکھا تو بہت حیران ہوئے اور عرض کی  : ’’ یاالٰہی عَزَّ وَجَلَّ ! اے میرے مالک ومولیٰ ! تو ان کی تخلیق (یعنی پیدائش)کو زیادہ جاننے

 والا ہے اِس بچے کوپچھلی حالت پر لوٹادے  ۔ ‘‘ تو اللہ عَزَّ وَجَلَّ نے حضرت ِ سَیِّدُنا عیسیٰروحُ اللہعَلٰی نَبِیِّناوَعَلَیْہِ الصَّلٰوۃُ وَالسَّلام کی طرف وَحی فرمائی :    ’’ میں  تجھ سے زیادہ جانتاہوں    ۔  ۔  ۔ ‘‘تو حضرت ِ سَیِّدُنا عیسیٰ روحُ اللہ  عَلٰی نَبِیِّناوَعَلَیْہِ الصَّلٰوۃُ وَالسَّلام  سجدے میں  گر گئے  ۔   ( آنسوؤں   کا دریا ص ۲۵۲ )

        {5}  مجھے قے ہوجاتی تھی

            گھوٹکی(باب الاسلام سندھ)کی اسلامی بہن کا کچھ اس طرح بیان ہے کہ مجھے ٹائفائیڈ ہوا تھا جس کی وجہ سے میراہاضِمہ تباہ ہوگیا تھا  ۔ میں   جب بھی کھانا کھاتی فوراً قے ہوجاتی  ۔ جب میں   نے اسلامی بہنوں   کے ساتھدعوتِ اسلامی کے مَدَنی قافلے میں   سفر کیا اور سنَّت کے مطابق کھانا کھایا تو مجھے قے ہوئی نہ پیٹ میں   درد  ۔  میں   نے یہ بَرَکتیں   دیکھتے ہوئے نیّت کی ہے کہ آئندہ خود بھی مَدَنی قافِلوں   میں   سفر کروں   گی اور دیگر اسلامی بہنوں   پربھی اِنفرادی کوشش کر کے انہیں   مَدَنی قافِلے میں   سفر کی ترغیب دوں   گی  ۔

گر ہے درد ِ شکم مت کریں   اس کا غم                               ساتھ مَحرم کولیں   قافِلے میں   چلو

تنگ دستی مٹے دور آفت ہٹے                         لینے کو برکتیں   قافلے میں   چلو

صَلُّوا عَلَی الْحَبِیْب!                                                                    صَلَّی اللہُ تَعَالٰی عَلٰی مُحَمَّد

        اسلامی بہنو!  سنّت پھر سنَّت ہے اِس میں   بَرَکت کیوں   نہ ہو! اور سنّت بھی جب سنّتوں   کی تربیّت کے مَدَنی قافِلے میں   آقا  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کی عاشقاؤں  ، مدینے کی دیوانیوں   کی صحبت میں   رہ کر ادا کی جائے اُس کی تو کیا ہی بات ہے ! کاش! ہمیں   ہر کام میں   سنَّت پر عمل کا جذبہ مل جائے  ۔

محمد کی سنّت کی الفت عطا کر                           میں   ہو جاؤں   ان پر فِدا یا الہٰی

میں   سنّت کی دھومیں   مچاتی رہوں   کاش!                          تو دیوانی ایسی بنا یا الہٰی

صَلُّوا عَلَی الْحَبِیْب!                                                                   صَلَّی اللہُ تَعَالٰی عَلٰی مُحَمَّد

{6}  سونے کا گمشدہ بُندا مل گیا

            بابُ المدینہ (کراچی) کی ایک اسلامی بہن کے بیان کا لبِّ لُباب ہے کہ میرا سونے کا بُندا گم ہوگیا تھا  ۔ تین دن تک تلاش کیا مگر نہ مل سکا ، پھر جب ہمارے عَلاقے میں   اسلامی بہنوں   کے مَدَنی قافِلے کی آمد ہوئی تو میں   نے دُعا کی :  یااللہ عَزَّوَجَلَّ! اس  مَدَنی قافِلے کی بَرَکت سے مجھے میرا گم شدہ بُندا ملا دے  ۔ ‘‘  اَلْحَمْدُ لِلّٰہ عَزَّ وَجَلَّ اِس دُعا کے  طفیل مجھے میرا سونے