جَواد وہ جو خود نہ کھائے اوروں کو کِھلائے ۔ اِسی لیے اللہ تعالیٰ کو سخی نہیں کہا جاتا ہے ۔ سخی کے مقابِل (OPPOSITE) بخیل ہے (اور بخیل وہ ہے ) جو خود کھائے اوروں کو نہ کھلائے ۔ جَواد کا مقابِل(OPPOSITE) مُمسِک ہے (اورمُمسِک وہ ہے )جو نہ کھائے نہ کھانے دے ۔ اللہ تعالیٰ کی تمام دُنیوی اُخرَوی نعمتیں دُنیا کے لیے ہیں اُس(کی اپنی ذات) کیلئے نہیں ۔ (مراٰۃج۱ ص ۲۲۱)
سُوال : خدا عَزَّوَجَلَّ کو رام کہنا کیسا ؟
جواب : صدرُ الشَّریعہ بدرُ الطَّریقہ علّامہ مولیٰنامفتی محمد امجد علی اعظمی عَلَیْہِ رَحْمَۃُ اللہِ القَوِی فرماتے ہیں : خدا کو رام کہنا ہندوؤ ں کا مذہب ہے ۔ وہ چُونکہ اسے ہر شے میں ’’ رَما ہوا ‘‘ یعنی حُلُول ([1]) کیا ہوا جانتے ہیں ، اس وجہ سے اسے رام کہتے ہیں اور یہ عقیدہ کُفر ہے اور اسے (یعنیاللہ عَزَّوَجَلَّ کو) رام کہنا بھی کلِمۂ کُفر ہے ۔ ( فتاوٰی امجدیہ ج ۴ ص ۴۱۸)
اللّٰہُ ربُّ الْعٰلمین عَزَّوَجَلَّ کی توہین کے مُتَعلِّق کُفریات کی 50 مثالیں
{1} ’’ اللہ تو ہمارے لئے ’’ ڈائز فام 80 کی گولی ‘‘ کھا کر سوگیا ہے ۔ ‘‘ یہ کہنا صریحکفر ہے ۔
{2}پیار ایسا ہے کہ خدا کو بھی حیرت ہے ۔ یہ کلِمۂ کفر ہے ۔
{3}فُلاں کی حرکتوں سے تواللہ عَزَّوَجَلَّ بھی پریشان ہے یا{4} فُلاں کو پیدا کرکے تو اللہ تعالیٰ بھی پچھتا رہا ہے یہ دونوں صریح کفریات ہیں ۔
{5} ’’ وہ تواللہ کے پِچھواڑے رہتا ہے ‘‘ یہکلمۂ کفر ہے ۔
{6}خدا کو مخلوق کہنا{7}خدا کا بندہ بننے سے انکار کرنا{8} خدا کی نفی(یعنی انکار)یہ تینوں صریح کلماتِ کُفر ہیں ۔ (فتاوٰی رضویہ ج۱۵ ص۲۷۸)
{9}کسی شخص سے کہنا کہ ’’ تُو خدا کو بھول جا ‘‘ کفرہے ۔ (فتاوٰی رضویہ ج۱۵ ص۲۷۸)
{10} ’’ رب رُوٹھتا ہے تو رُوٹھے میرا محبوب مجھ سے نہ رُوٹھے ۔ ‘‘ یہ کلِمۂ کفر ہے ۔ اِس طرح کے جُملے عام طور پر فلمی گانوں میں استِعمال ہوتے ہیں ۔ معنی جاننے کے باوُجُود لوگ ایسے گانے بخوشی چلاتے اور سنتے ہیں ان سب پر بھی حکمِ کفرہے ۔
{11}یہ کہنا کہاللہ عَزَّوَجَلَّ خطا کرتا ہے یا{12} یہ کہنا کہ اس میں کوئی نَقص(یعنی خامی) ہے ۔ یہ دونوں کُفرِیات ہیں ۔
{13}اللہ عَزَّوَجَلَّ کے کسی شے میں حُلُول کرنے کا عقیدہ کفریہ ہے ۔
{14}جو کہے : ’’ اللہ عَزَّوَجَلَّ نے میری بیماری اور بیٹے کی مَشَقَّت کے باوُجُود اگر مجھے عذاب دیا تو اُس نے مجھ پر ظلم کیا ۔ ‘‘ یہ کہنا کفرہے ۔ (البَحرُ الرَّائق ج۵ ص۲۰۹)
{15}جو کہے : ’’ ا ے اللہ ! مجھے رِزق دے اور مجھ پر تنگدستی ڈال کر ظلم نہ کر ۔ ‘‘ ایسا کہنا کفرہے ۔ (فتاویٰ خانیہ ج۳ ص ۴۶۷)
{16}اللہ عَزَّوَجَلَّ کی طرف ظلم کی نسبت کرنا، اسے ظالِم کہنا کفر ہے ۔ (فتاوٰی امجدیہ ج۴ ص۴۳۲)
{17}جو شخص کہے : ’’ اللہ جانتا ہے کہ یہ کام میں نے نہیں کیا حالانکہ (اس کو معلوم ہے کہ)