کاش!  گنبدِ خضرا پر نگاہ پڑتے ہی

کھا کے غش میں   گرجاتا پھر تڑپ کے مرجاتا

 (وسائلِ بخشش ص۴۱۰)

صَلُّوا عَلَی الْحَبِیْب!      صَلَّی اللہُ تَعَالٰی عَلٰی مُحَمَّد

  (۱۰۰)  اِمام احمد رضا اور د ِیدارِمصطفٰے  صَلَّی اللہ تَعَالٰی عَلَیْہِ وَاٰلہٖ وَسَلَّمامامِ اہلسنّت مجدِّدِ دین وملّت مولانا شاہ امام احمد رضاخان علیہ رحمۃُ الرَّحمٰن زبر دست عاشِقِ رسول تھے اور متبحر (مُ۔تَ۔بَحْ۔ حِر)  عالِمِ دین تھے،  کم وبیش 100عُلوم وفنون پر دسترس رکھتے تھے،  عُلَمائے حَرَمینِ طیِّبَین زَادَھُمَا اللہُ شَرَفاً وَّ تَعْظِیْماً نے آپ رَحْمَۃُ اللہِ تَعَالٰی عَلَیْہِکو چودھویں   صدی کا مجدِّد کہا،  آپ رَحْمَۃُ اللہِ تَعَالٰی عَلَیْہِنے دِین کو باطِل کی آمیزِش سے پاک کر کے اِحیائے سنَّت کے لئے زبردست کام کیا،  ساتھ ہی لوگوں   کے دِلوں   میں   جو شمعِ عشقِ رسول صَلَّی اللہ تَعَالٰی عَلَیْہِ وَاٰلہٖ وَسَلَّم کی روشنیمَدَّھم پڑتی جا رہی تھی اُسے اَز سَرِنو فَروزاں   کیا،  آپ رَحْمَۃُ اللہِ تَعَالٰی عَلَیْہِ بے شک فَنَا فِی الرَّسُول صَلَّی اللہ تَعَالٰی عَلَیْہِ وَاٰلہٖ وَسَلَّم کے اَعلیٰ مَنصَب پر فائز تھے،  دوسری بارجب حجِ بیتُ اللہکی سعادت ملی اور مدینۂ پاک زَادَھَا اللہُ شَرَفاً وَّ تَعْظِیْماً کی حاضِری نصیب ہوئی تو بیداری میں   زِیارت کی حَسرَت لئے مُواجَھَہ شریف میں   پوری رات حاضِررہ کر دُرُودِ پاک کا وِرد کرتے رہے،  پہلی رات قِسمَت میں   یہ سَعادت نہ تھی، دوسری رات آگئی۔ مُواجَھَہ شریف میں   حاضِر ہو ئے اور دَردِ فراق سے بے تا ب ہو کر ایک نعتیہ غزَل پیش کی جس کے چند اَشعار یہ ہیں   : 

وہ  سُوئے  لالہ  زار  پِھرتے  ہیں       تیرے  دِن  اے بہار پِھرتے ہیں   

ہر    چَراغِ    مزار    پر    قُدسی          کیسے   پروانہ   وار   پِھرتے  ہیں   

اُس گَلی کا گدا ہوں    میں   جس میں          مانگتے    تاجدار    پِھرتے    ہیں   

پھول کیا دیکھوں   میری آنکھوں    میں     دَشتِ  طیبہ  کے خار  پِھرتے ہیں   

کوئی کیوں    پوچھے  تیری  بات رضاؔ         تجھ  سے  شیدا  ہزار  پِھرتے  ہیں   

           (مَقطَع میں   اعلیٰ حضرت رَحْمَۃُ اللہِ تَعَالٰی عَلَیْہِ نے اَز راہِ تَواضُع اپنے آپ کو ’’ کُتّا ‘‘ فرمایا ہے لیکن عاشقانِ اعلیٰ حضرت اَدَباً  یہاں   ’’منگتا ‘‘ ’’شیدا ‘‘ وغیرہ لکھتے اوربو لتے ہیں   انہیں   کی پیروی میں   ادباً اِس جگہ ’’شیدا ‘‘ لکھ دیا ہے اور حقیقت بھی یِہی ہے)

          آپ بارگاہِ رسالت صَلَّی اللہُ تَعَالٰی عَلَیْہِ وَاٰلِہٖ وَسَلَّمَ میں   دُرُود و سلام پیش کرتے رہے،  آخرکاراِنتِظار کی گھڑیاں   خَتْم ہوئیں   اور قسمت اَنگڑائی لے کر اُٹھ بیٹھی،  سرکارِ نامدار ، مدینے کے تاجدار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے اپنے عاشِقِ زار پر خاص کَرَم فرمایا،  نِقابِ رُخ اُٹھ گیا،  خوش نصیب عاشِق نے اپنے مَحْبوب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کا عین بیداری کی حالت میں   چَشمانِ سَر  (یعنی سر کی آنکھوں   ) سے دیدار کیا ۔ اللہ عزَّوَجَلَّ کی اُن پر رَحمت ہو اور اُن کے صَدقے ہماری بے حساب مغفِرت ہو ۔اٰمِیْن بِجَاہِ النَّبِیِّ الْاَمِیْن  صَلَّی اللہ تَعَالٰی عَلَیْہِ وَاٰلہٖ وَسَلَّم

شربتِ دِید نے اور آگلگا دی دِل میں      تَپِشِ  دِل  کو  بڑھایا  ہے  بجھانے  نہ  دیا

اب کہاں   جائیگا نَقشہ تِرا میرے دِل سے تہ میں    رکھا  ہے اِسے دِل نے گُمانے نہ دیا

سَجدہ کرتا جو مجھے اِس کی اِجازت ہوتی