’’ مسجدِ اعظم ‘‘ اُس شہر کا ’’ مَدَنی مرکز ‘‘ بن گئی۔ اَلْحَمْدُلِلّٰہِ عَزَّوَجَلَّ دونوں مُتَوَلّیوں کے مذکورہ صاحبززادگان نے اپنے چہرے داڑھی مبارَک سے آراستہ کر لئے اور دعوتِ اسلامی کے مَدَنی ماحول سے وابستہ ہوگئے ۔
ذِکر کرنا خدا کا یہاں صبح و شام، مَدنی ماحول میں کر لو تم اعتکاف
پاؤ گے نعتِ محبوب کی دھوم دھام، مَدنی ماحول میں کر لو تم اعتکاف (وسائل بخشش ص۶۴۲، ۶۴۳)
صَلُّو ا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد
(۱۹) اِعتِکاف کا فیض انگلینڈ پہنچا:
سکھر شہر ( باب الاسلام سندھ) میں رَمَضانُ المُبارَک (۱۴۱۰ ھ۔1990ء) میں ایک اسلامی بھائی کی انگلینڈ سے آمد ہوئی۔ اسلامی بھائیوں کے توجُّہ دلانے پران کے ایک رشتے دار اسلامی بھائی نے انفرادی کوشِش کرکے اُنہیں عاشِقانِ رسول کے ساتھ اجتماعی اِعتکاف کے لئے راضی کرلیا اور اَلْحَمْدُلِلّٰہِ عَزَّوَجَلَّ وہ مُعتَکفہو گئے۔ ایک خالص اِنگریزی ماحول میں رہنے والا جب اِعتکا ف میں بیٹھا اور اس نے آقا صَلَّی اللہُ تَعَالٰی عَلَیْہِ وَاٰلہٖ وسلَّم کی میٹھی میٹھی سنتیں اور ضروری احکام سیکھے، قَبْر و آخرت کے اَحوال سنے تو مسلمان ہونے کے ناطے اُس کا دل چوٹ کھا کر رَہ گیا۔ اَلْحَمْدُلِلّٰہِ عَزَّوَجَلَّ اجتماعی اعتکاف کی بَرَکت سے انہیں گناہوں سے توبہ کا تحفہ ملا اور تبلیغِ قراٰن وسنّت کی عالمگیر غیر سیاسی تحریک، دعوتِ اسلامی کے مَدَنی ماحول میں آگئے۔ چہرے پر داڑھی سجا لی، سر عمامہ شریف سے سر سبز کر لیا، فیضانِ سنت کا درس اور بیان سیکھ کر دورانِ اِعتکاف ہی سنتوں بھرا بیان کرنے لگے! انگلینڈ میں جا کر دعوتِ اسلامی کے مَدَنی کاموں کی دھومیں مچانے کی نیّت کی۔ اَلْحَمْدُلِلّٰہِ عَزَّوَجَلَّ وہ انگلینڈ میں مبلّغ دعوتِ اسلامی اوربارہ مَدَنی کاموں کے ذمّے دار بنے، ان کے بچوں کی امی بھی مَدَنی ماحول سے وابستہ ہو کر انگلینڈ جیسے حیا سوز ماحول میں رہتے ہوئے بھی مَدَنی برقع اَوڑھتی ہیں ، خود دُرُست قراٰنِ کریم سیکھ کر اب مدرَسۃُ المدینہ (بالغات) میں اسلامی بہنوں کو پڑھا تی ہیں اور اِسلامی بہنوں کے مَدَنی کاموں کی تنظیمی ذِمے دار ہیں۔
کر کے ہمت مسلمانو آجا ؤ تم، مَدنی ماحول میں کر لو تم اعتکاف
اُخروی دولت آؤ کما جا ؤ تم، مَدنی ماحول میں کر لو تم اعتکاف (وسائل بخشش ص۶۴۳)
صَلُّو ا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد
(۲۰) میں چھوڑ کے فیضانِ مدینہ نہیں جا تا:
تحصیل کمالیہ، ضلع دارُالسَّلام (پنجا ب پاکستان) کے ایک اسلامی بھائی جب نویں جماعَت میں پڑھتے تھے۔ کلاس میں ان کا ایک فرینڈ سرکل تھا، یہ سب اسکول سے بھاگ جا تے، خوب آوارہ گردی کرتے، رات گئے تک کرکٹ کھیلتے، انٹر نیٹ کلب میں ٹھیک ٹھاک وقت برباد کرتے، سارا سارا دن مل جل کر کیبل پر فلمیں دیکھتے، گانے سننے کاتو اس قدر چسکا تھا کہ رات گانے سنتے سنتے سونا اور صبح جا گتے ہی سب سے پہلاکاممَعَاذَ اللہ عَزَّوَجَلَّیہی مَنحوس گانے سننا۔ فینسی لباس پہن کر یہ لوگ مل جل کرمَعَاذَ اللہ عَزَّوَجَلَّ ثُمَّ مَعَاذَ اللہ عَزَّوَجَلَّلڑکیوں کے ساتھ چھیڑخانیاں اور خوب بدنگاہیاں کرتے۔ اُس اسلامی بھائی کی ماں کبھی سمجھاتی بھی تو الٹا اُسی کے گلے پڑ جا تے۔ والِد صاحِب نَماز کا حکم فرماتے تو ان کو بھی چَکما دے دیتے۔افسوس !اِصلاح کی دُور دُور تک کوئی صورت نظر نہیں آتی تھی۔ اللہ عَزَّوَجَلَّان کے بڑے بھائی صاحِب کابھلا کرے جنہوں نے ان کی دسْتْ گیری کی اورانہیں رَمَضانُ المبارَک کے آخری عشرے کے اندر اعتکاف میں بیٹھنے کے لئے کہا۔ ان کو صحیح معنوں میں یہ بھی پتا نہیں تھا کہ اِعتکاف کیا ہوتا ہے! انہوں نے صاف انکار کر دیا۔ مگر بڑے بھائی نے کسی طرح بھی سمجھا بجھا کرتبلیغِ قراٰن وسنت کی عالمگیر غیر سیاسی تحریک ، دعوتِ اسلامی کے مَدَنی مرکز فیضانِ مدینہ (سردار آباد) میں ہونے والے اِجتماعی اِعتکاف میں بٹھا دیا ۔ چار یاپانچ دن تک بالکل بھی دل نہ لگا اوریہ بھاگنے کی کوشِش کرتے رہے مگر کامیاب نہ ہوسکے ۔ اس کے بعد سُرور آنا شروع ہوا، اور پھر تو وہ روحانی سُکون ملا کہ چاند رات کویہ کہہ رہے تھے کہ مجھے گھر نہیں جا نا ہے میں آج کی رات بھی یہیں فیضانِ مدینہ میں گزارنا چاہتا ہوں ۔
تم گھر کو نہ کھینچو نہیں جا تا نہیں جا تا
میں چھوڑ کے فیضانِ مدینہ نہیں جا تا
صَلُّو ا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد
(۲۱) اِعتِکاف کی بَرَکت سے گُھٹنوں کادَرد چلا گیا: