بے زار تھا، وہ اسی طرح گناہوں کی وادِیوں میں بھٹک رہے تھے کہ ان کی قسمت کا ستارہ چمکا اورو ہ ایک عاشقِ رسول کی اِنفرادی کوشش کی بَرَکت سے تبلیغ قراٰن وسنت کی غیر سیاسی عالمگیر تحریک، دعوتِ اسلامی کے تحت ٹنڈو اللہ یار کی نورانی مسجد میں ہونے والے ماہِ رَمَضانُ المُبارَک (۴۲۶ا ھ۔ 2005ء) کے آخری عشرے کے اِجتماعی اِعتکاف کی بہاریں سمیٹنے میں شامل ہو گئے۔ دورانِ اِعتکاف عاشقانِ رسول کے داڑھیوں اور عماموں والے نورانی چہروں اور ان کی محبتوں اور شفقتوں نے انہیں دعوتِ اسلامی سے کافی مُتَأَثِّر کیا۔ اَلْحَمْدُلِلّٰہِ عَزَّوَجَلَّ دس شبانہ روز عاشقانِ رسول کی صحبت میں رہ کرانہوں نے بہت کچھ سیکھا ۔25ویں شب ذکرُ اللہ عَزَّوَجَلَّ میں مشغول تھے کہ ان پرغُنُودگی طاری ہوئی اور اَلْحَمْدُلِلّٰہِ انہوں نے خود کو کعبۃُ اللہ شریف کے رُوبرو پایا، ان پر کرم بالائے کرم یہ ہوا کہ انہوں نے بے ساختہ حجر اسود کو چوم لیا۔ 27 ویں شب بھی ان پر کرم ہوا اور غُنُودَگی کے عالَم میں مدینۂ منوَّرہ زَادَھَا اللہُ شَرَفاً وَّ تَعْظِیْماً کی نور بار گلیوں اور سبزسبز گنبد کے دل بہار نظّاروں کی سعادت پائی۔ ان ایمان افروز سلسلوں نے ان کے دل کی دنیا بدل ڈالی۔ انہوں نے نیّت کی کہ یہ مَدَنی ماحول اب زندَگی بھر نہیں چھوڑوں گا۔ اَلْحَمْدُلِلّٰہِ عَزَّوَجَلَّ ربِّ اکرم عَزَّوَجَلَّ کے لطف وکرم سے انہوں نے دعوتِ اسلامی کے جا معۃ المدینہ (زم زم نگر حیدرآباد) میں درسِ نِظامی کرنے کے لئے داخِلہ لے لیا۔
دل میں بس جا ئیں آقا کے جلوے مُدام ، مَدنی ماحول میں کر لو تم اعتکاف
دیکھو مکے مدینے کے تم صبح وشام، مَدنی ماحول میں کر لو تم اعتکاف (وسائل بخشش ص۶۴۴)
صَلُّو ا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد
(۳۲) بُری صُحبت میں رہنے کا گُناہ چھوٹ گیا:
اَورَنگی ٹاؤن ( بابُ المدینہ کراچی) کے ایک اسلامی بھائی بری سنگت کے سبب ماڈَرن اوربرے بندے بن گئے تھے۔ خوش قسمتی سے اپنے علاقے کی اَقصی مسجد ، اَورَنگی ٹاؤن ، اَلفتح کالونی ( بابُ المدینہ ) کے اندر ہونے والے ماہِ رَمَضانُ الْمُبارَک کے آخری عشرۂ مبارکہ کے اجتماعی سنت اِعتکاف میں بیٹھنے کی برکت سے تبلیغِ قراٰن وسنت کی عالمگیر غیر سیاسی تحریک، دعوتِ اسلامی کے مَدَنی ماحول سے وابستہ ہوگئے، پابندصلوٰۃ و سنت بھی بن گئے ، ہفتہ وار سنتوں بھرے اجتماع میں حاضری کی عادت پڑ گئی ، فلمیں ڈرامے دیکھنے کی خصلت بد نکل گئی اور اَلْحَمْدُلِلّٰہِ عَزَّوَجَلَّ ایک بہت بڑا فائدہ یہ ہوا کہ محض نفس کی لذت کی خاطر بری صحبت کی جو عادت تھی اُس سے بھی ان کی جا ن چھوٹ گئی ۔
صحبت بد میں رہنے کی عادت چھٹے، مَدنی ماحول میں کر لو تم اعتکاف
خصلت جرم وعصیاں تمہاری مٹے ، مَدنی ماحول میں کر لو تم اعتکاف (وسائل بخشش ص۶۴۴)
صَلُّو ا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد
(۳۳) جذبے کو مدینے کے ۱۲ چاند لگ گئے:
ملاکہ(الٰہ آباد، یو پی ، الھند) کے ایک اسلامی بھائی کا واقعہ کچھ یوں ہے کہ انہوں نے مدینۃ الاولیا احمد آباد شریف میں ہند سطح کے سنتوں بھرے اجتماع میں شرکت فرمائی ، دین کی خدمت کا کافی جذبہ ملا۔اُسی سال تبلیغِ قراٰن وسنت کی عالمگیر غیر سیاسی تحریک ، دعوتِ اسلامی کی طرف سے آخری عشرۂ ماہِِ رَمَضانُ المُبارَک (۱۴۱۶ ھ۔ 1996ء) میں ناگوری واڑ کی مسجد (احمد آباد شریف) کے اندر ہونے والے اِجتماعی اعتکاف میں معتکف ہوئے۔ عاشِقانِ رسول کی صحبت انھیں خوب موافق آئی ، ان کے دینی جذبے کو میٹھے مدینے کے 12 چاند لگ گئے۔اِعتکاف کے بعد اپنے آبائی گاؤں ملاکہ (یوپی) میں جا کر انھوں نے مَدَنی کاموں کی خوب دھومیں مچائیں ۔دوسرے سال مَدَنی مرکز کی جا نب سے مختلف شہروں میں جا کر سینکڑوں اسلامی بھائیوں کو اِعتکاف کروایا۔ تادمِ تحریر احمد آبادشریف میں مقیم ہیں اور دعوتِ اسلامی کی تنظیمی ترکیب کے مطابق تَحصیل مالیات کے ذمے دار ہیں ۔
آؤ عشقِ محمد کے پینے کو جا م، مدنی ماحول میں کر لو تم اعتکاف
مست ہو کر کرو خوب تم مدنی کام، مدنی ماحول میں کر لو تم اعتکاف (وسائل بخشش ص۶۴۴)
صَلُّو ا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد
(۳۴) 70سالہ اسلامی بھائی کے تَأَثُّرات:
گارڈن وَیسٹ ( بابُ المدینہ کراچی) کے ایک سِن رسیدہ اسلامی بھائی بڑھاپے کے باوجودمَعَاذَ اللہ نماز کی پابندی نہیں کرتے تھے، فلمیں ڈرامے کے شوقین تھے، داڑھی مُنڈوایاکرتے تھے اور انگریزی لباس پہنتے تھے۔تقریباً 60 برس کی عمر میں کوثر مسجِد موسیٰ لین ، لیاری (بابُ المدینہ) کے اندر پہلی بارآخری عشرۂ رَمَضانُ المُبارَک