جا مِعَۃُ الْمدینہ(بابُ المدینہ) کے ایک طالِبِ علم کوآخری عشرۂ رَمَضانُ المُبارَک (۱۴۲۶ ھ۔ 2005ء) میں تبلیغِ قراٰن و سنّت کی عالمگیر غیر سیاسی تحریک، دعوتِ اسلامی کے عالمی مَدَنی مرکز فیضانِ مدینہ (بابُ المدینہ کراچی ) میں اِعتکاف کی سعادت حاصل ہوئی ۔ وہاں ان کی ملاقات ایک سن رسیدہ بزرگ سے ہوئی ، اُنہوں نے بتایا: کئی سال سے میریگھٹنوں میں دَرد تھا، جب میں عالمی مَدَنی مرکز فیضانِ مدینہ( بابُ المدینہ کراچی ) میں اعتکاف کیلئے آیا۔ اَلْحَمْدُلِلّٰہِ عَزَّوَجَلَّ اُس کی برکت سے مجھ پر کرم ہوا کہ میرے گھٹنوں کا درد دُور ہوگیا۔
درد ٹانگوں میں ہو، دَردگھٹنوں میں ہو، مَدنی ماحول میں کر لو تم اعتکاف
پیٹ میں درد ہو یا کہ ٹخنوں میں ہو، مَدنی ماحول میں کر لو تم اعتکاف (وسائل بخشش ص۶۴۳)
صَلُّو ا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد
(۲۲) داڑھی سجی، ’’ سر سبز ‘‘ ہوگیا:
نو ساری(صوبہ گجرات، الھند ) کے ایک ماڈَرن اسلامی بھائی تبلیغِ قراٰن وسنت کی عالمگیر غیر سیاسی تحریک، دعوت اسلامی کی طرف سے آخری عشرۂ رَمَضانُ الْمُبارَک (۱۴۲۳ ھ۔ 2002ء) میں ہونے والے اجتماعی اِعتکاف (سورت، گجرات) میں معتکف ہوئے۔ مَدَنی جَدوَل کے مطابق لگنے والے سنتوں بھرے حلقوں ، رِقت انگیز دعاؤں اور ذکر ونعت کی پر سوز صداؤں نے ان کا دل موہ لیا ، عاشقانِ رسول کی صحبت سے وہ فیض ملا کہ نہ پوچھو بات! داڑھی مبارَک سجی، عمامہ شریف سے سر سبز ہوا اور ترقی کے منازِل طے کرتے ہوئے تادمِ تحریر اپنے شہر کی مُشاوَرت کے نگران کی حیثیت سے مَدَنی کاموں کی دھومیں مچارہے ہیں ۔
سنّتوں کی تم آکر کے سوغات لو، مَدنی ماحول میں کر لو تم اعتکاف
آؤ بٹتی ہے رَحمت کی خیرات لو، مَدنی ماحول میں کر لو تم اعتکاف (وسائل بخشش ص۶۴۳)
صَلُّو ا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد
زم زم نگر(حیدر آباد بابُ الاسلام سندھ پاکستان) کے ایک اسلامی بھائی عبدالرزّاق عطاری جو کہ ٹنڈو جا م ایگریکلچرل یونیورسٹی کے لیب انچارج تھے، ان کے دو بیٹے دعوتِ اسلامی کے مَدَنی ماحول سے وابستہ تھے مگر وہ خود نمازوں اور سنتوں سے دُور تھے اور ذہن مکمَّل طور پر دنیا داروں والا تھا۔ رَمَضانُ المُبارَک میں اِنفرادی کوشِش کرتے ہوئے انہیں اجتماعی اِعتکاف میں شرکت کی دعوت پیش کی گئی تو فرمانے لگے: میرے بچوں کی امی ناراض ہو کر میکے جا بیٹھی ہیں ، اگر میں اعتکاف کروں گا توکیا وہ آجا ئیں گی؟ انہیں بتایا گیا: اِنْ شَآءَاللہ عَزَّوَجَلَّ آجا ئیں گی۔ چنانچہ وہ آخری عشرۂ رَمَضانُ الْمُبارَک (غالباً۱۴۱۶ ھ۔ 1995ء) میں فیضانِ مدینہ( زم زم نگر حیدر آباد) کے اندر عاشقانِ رسول کے ساتھ معتکف ہوگئے۔ سیکھنے سکھانے کے حلقوں ، سنتوں بھرے بیانات، رقت انگیز دعاؤں اور پرسوز نعتوں نے ان کا دل بدل کر رکھ دیا! انہوں نے گناہوں سے توبہ کر لی، نمازوں کی پابندی کاعہد کیا، داڑھی مبارَک و عمامہ شریف سے آراستہ ہوگئے اور نعتیں بھی پڑھنے لگے ۔ اِعتکاف کے دَوران ہی رُوٹھی ہوئی بچوں کی امی بھی واپس آ گئیں اور گھر یلو شکر رنجیاں بھی ختم ہو گئیں ۔ اعتکاف کی بَرَکت سے وہ مدنی لباس پہننے لگے اور انہوں نے مدنی قافلوں میں سفر بھی کئے۔ مَدَنی ماحول میں رہتے ہوئے اُسی سال یعنی بروز جمعرات 27 ربیع الاوّل شریف کو ان کا انتقال ہوگیا، اِنَّا لِلّٰهِ وَ اِنَّاۤ اِلَیْهِ رٰجِعُوْنَ۔
گورِ تیرہ کو تم جگمگانے چلو، مَدنی ماحول میں کر لو تم اعتکاف
راحتیں روزِ محشر کی پانے چلو، مَدنی ماحول میں کر لو تم اعتکاف (وسائل بخشش ص۶۴۳)
صَلُّو ا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد
زندگی کے آخری سال کے مُتعلِّق ایک عبرت ناک روایت:
میٹھے میٹھے اسلامی بھائیو! یہ ’’ مدنی بہار ‘‘ واقِعی اپنے اندر عبرت کے کئی مَدَنی پھول لئے ہوئے ہے۔مرحوم عبدالرّزّاق عطّاری عَلَیْہِ رَحْمَۃُ اللہِ البَارِیخوش نصیب تھے کہ وفات سے تھوڑے ہی عرصے قبل انہیں مَدَنی ماحَول مُیسَّر آگیا اور یقیناوہ بندہ مقدر والاہے جو مرنے سے پہلے پہلے توبہ کرکے راہِ راست پر آجا ئے اور سنتوں کی شاہراہ پر چل پڑے اور بڑا ہی بدنصیب ہے وہ شخص جو اچھا بھلا نیکیاں کرنے والا اور سنتوں کے راستے پر چلنے والا ہوکر مرنے سے تھوڑے ہی عرصے قبلمَعَاذَ اللہ عَزَّوَجَلَّماڈَرن ہو جا ئے اور گناہوں میں پڑکر مَدَنی ماحول سے دُور جا پڑے۔ جب بھی آپ کو شیطان کسی ذِمے دار فرد سے ناراض کروا کر یا یوں ہی سستی د لا کریا دُنیوی کاروبار میں خوب پھنسا کر یاشادی وغیرہ کا جوش دلاکر مَدَنی ماحول سے دُورہونے کا مشورہ دے تو اِس حدیث پاک پر غور فرما لیا کریں ۔ اُمُّ الْمُؤمِنِین حضرتِ سَیِّدَتُنا عائِشہ صدیقہ رَضِیَ